Capturing Days of Life – Digital Detox, Mindful Living & Creativity

 ಕಾರ್ತಿಕ ಮಾಸವು ಆಂತರ್ಯದ ಬೆಳಕನ್ನು ಬೆಳಗಿಸುವ ಅತ್ಯಂತ ದಿವ್ಯ, ಪರಿಶುದ್ಧ ಯುಗ!!!!!! ಲೇಖಕಿ:ನಾಗಲಕ್ಷ್ಮಿ ಕೆ. ಎನ್.‌ ದಿನಾಂಕ:೧೯.೧೦.೨೦೨೫. ಕಾರ್ತಿಕ ಮಾಸವನ್ನು ಹಿಂದೂ ಪಂಚಾಂಗದಲ್ಲಿ ಅತ್ಯಂತ ಪವಿತ್ರವಾದ , ದೈವೀ ಶಕ್ತಿ ಪ್ರವಹಿಸುವಿಕೆಯು ಅತಿರಥವಾಗಿರುವ   ಮತ್ತು ತಪಸ್ಸಿಗೆ ಯೋಗ್ಯವಾದ ಮಹಾದೈವಿಕ ಮಾಸವೆಂದು ಪರಿಗಣಿಸಲಾಗಿದೆ .   ವಿಶೇಷವಾಗಿ ಶರದೃತುವಿನ ಅಂತ್ಯದೊಂದಿಗೆ ಶಿಶಿರ ಋತುವಿನ ಆರಂಭದ ಕಾಲವೇ ಈ ಕಾರ್ತಿಕ ಮಾಸ . ಈ ಸಮಯದಲ್ಲಿ ಪ್ರಕೃತಿಯಲ್ಲಿಯೂ , ಮಾನವನ ಮನಸ್ಸಿನಲ್ಲಿಯೂ ಮತ್ತು ದೈವಿಕತೆಯ ಚಕ್ರದಲ್ಲಿಯೂ ಅನೇಕ ಬದಲಾವಣೆಗಳು ಸಂಭವಿಸುತ್ತವೆ . ಈ   ಮಹಾಮಾಸದಲ್ಲಿನ ರಾತ್ರಿಗಳು ದೀರ್ಘವಾಗಿರುವುದರಿಂದ, ಧ್ಯಾನ ತಪಸ್ಸಿಗೆ ಸೂಕ್ತವಾದ ಕಾಲ ಎಂದೇ ಹೇಳಬಹುದು. 🌙 ಈ   ಕಾರ್ತಿಕ ಮಾಸವು   ದೇವರ ಜಾಗೃತಿ , ಭಕ್ತರ ಶ್ರದ್ಧೆ ಮತ್ತು   ಮಂದಿರಪುರಾಣಗಳ ಆಳದಿಂದ ಹೊರಹೊಮ್ಮಿದ ಪವಿತ್ರ ಯುಗ. ಕಾರ್ತಿಕ ಮಾಸವನ್ನು ವಿಷ್ಣುವಿನ ಅತ್ಯಂತ ಪ್ರೀತಿಯ ಮಾಸ ಎಂದೇ ಹೇಳಲಾಗುತ್ತದೆ. ಈ ಸಮಯದಲ್ಲಿ ನದಿ ಸ್ನಾನ, ದೀಪ ಬೆಳಗಿಸುವುದು ಮತ್ತು   ತುಳಸಿ ಸೇವನೆಯಿಂದ ದೊರೆಯುವ ಫಲವು ಕೋಟಿ ಯಜ್ಞಗಳನ್ನ ನೇರವೇರಿಸಿದ ಫಲಕ್ಕೆ ಸಮಾನ ಮತ್ತು ಮಾಡಿದ ಅಷ್ಟೂ ಪಾಪಗಳು ನಿರ್ಮೂಲವಾಗುತ್ತವೆ ಎಂದು ನಂಬಲಾಗಿದೆ.           ...