ಕ್ಷಮೆ ಜೀವನವನ್ನು ಹೇಗೆ ಬಲಪಡಿಸುತ್ತದೆ? Forgiveness and Life Strength in Kannada

 

ಲೇಖಕಿ:ನಾಗಲಕ್ಷ್ಮಿ ಕೆ. ಎನ್‌  ದಿನಾಂಕ: ೦೪.೦೯.೨೦೨೫

ಕ್ಷಮೆ ಜೀವನವನ್ನು ಹೇಗೆ ಬಲಪಡಿಸುತ್ತದೆ?

ಮಾನವನ ಜೀವನದಲ್ಲಿ ತಪ್ಪುಗಳು ಸಹಜ. ಯಾವ ಸಂಬಂಧದಲ್ಲಾದರೂ ಭಿನ್ನಾಭಿಪ್ರಾಯಗಳು, ನೋವು–ಗಾಯಗಳು ಉಂಟಾಗುತ್ತವೆ. ಆದರೆ ಆ ನೋವನ್ನು ಹೃದಯದಲ್ಲಿ ಇಟ್ಟುಕೊಂಡು ಬದುಕುವುದು ಜೀವನವನ್ನು ಕಠಿಣಗೊಳಿಸುತ್ತದೆ. ಅದಕ್ಕೆ ಪರಿಹಾರವೇ ಕ್ಷಮೆ. ಕ್ಷಮೆ ಎಂದರೆ ಕೇವಲ ಇತರರ ತಪ್ಪುಗಳನ್ನು ಮರೆತು ಬಿಡುವುದು ಮಾತ್ರವಲ್ಲ; ಅದು ನಮ್ಮೊಳಗಿನ ನೋವು, ಕೋಪ, ಅಸಹನೆಗಳನ್ನು ಬಿಡುಗಡೆ ಮಾಡುವ ಶಕ್ತಿಯಾಗಿದೆ. ಕೆಲವೊಮ್ಮೆ ಅಲ್ಪ ವಿಷಯಗಳು ದೊಡ್ಡ ಅಂತರವನ್ನು ಉಂಟುಮಾಡುತ್ತವೆ. ಈ ಅಂತರವನ್ನು ಕಡಿಮೆ ಮಾಡುವ ಶಕ್ತಿಯುತ ಸಾಧನವೇ ಕ್ಷಮೆ (Forgiveness). ಕ್ಷಮೆ ಎಂಬುದು ದುರ್ಬಲರ ಗುಣವಲ್ಲ; ಅದು ಧೈರ್ಯಶಾಲಿಗಳ ಶಕ್ತಿ.

ಯಾರ ಜೀವನದಲ್ಲಿಯೇ ಆಗಿರಲಿ  ತಪ್ಪುಗಳು, ನೋವು–ಗಾಯಗಳು, ಭಿನ್ನಾಭಿಪ್ರಾಯಗಳು ಅನಿವಾರ್ಯ. ಇದರಿಂದ  ಕುಟುಂಬ, ಸ್ನೇಹಿತರು, ಸಹೋದ್ಯೋಗಿಗಳು – ಸಂಬಂಧಗಳಲ್ಲಿ ಕೆಲವೊಮ್ಮೆ ಅಸಮಾಧಾನ, ತಕರಾರುಗಳು ಮೂಡುತ್ತವೆ. ಇವು ಸಹಜವಾದರೂ, ಹೃದಯದಲ್ಲಿ ಕೋಪ, ಅಸಹನೆ ಮತ್ತು ದ್ವೇಷವನ್ನು ಹಿಡಿದುಕೊಂಡು ಬದುಕುವುದರಿಂದ ಜೀವನದ ಶಾಂತಿ ಕಳೆದುಹೋಗುತ್ತದೆ. ಅಂತಹ ಸಂದರ್ಭಗಳಲ್ಲಿ ಜೀವನವನ್ನು ಬಲಪಡಿಸುವ ಶಕ್ತಿಯೇ ಕ್ಷಮೆ.

ಕ್ಷಮೆ ಎಂದರೆ ಕೇವಲ ಇತರರ ತಪ್ಪುಗಳನ್ನು ಮರೆತು ಬಿಡುವುದಲ್ಲ. ಅದು ನಮ್ಮೊಳಗಿನ ನೋವು ಮತ್ತು ನಕಾರಾತ್ಮಕ ಭಾವನೆಗಳನ್ನು ಬಿಡುಗಡೆ ಮಾಡುವ ಆಧ್ಯಾತ್ಮಿಕ–ಮಾನಸಿಕ ಶಕ್ತಿ. ಈ ಲೇಖನದಲ್ಲಿ ಕ್ಷಮೆ ಜೀವನವನ್ನು ಹೇಗೆ ಬಲಪಡಿಸುತ್ತದೆ ಎಂಬುದನ್ನು ವಿವಿಧ ಆಯಾಮಗಳಲ್ಲಿ ತಿಳಿಯೋಣ.

ಕ್ಷಮೆಯ ಅರ್ಥ

“ಕ್ಷಮೆ” ಎಂಬುದು ಬಹಳ ಆಳವಾದ ಪದ. ಅದು ಕೇವಲ "ನಾನು ಮರೆತುಬಿಟ್ಟೆ" ಎನ್ನುವುದಲ್ಲ. ಹೃದಯದ ಆಳದಿಂದ ಎದುರಾಳಿಯನ್ನು ಅರ್ಥಮಾಡಿಕೊಳ್ಳುವುದು, ಅವರೆಡೆಗಿನ  ಕೋಪ–ಅಸಹನೆಗಳನ್ನು ಬಿಡುವುದು, ನಮ್ಮೊಳಗಿನ ಶಾಂತಿಗಾಗಿ ಇನ್ನೊಬ್ಬರ ತಪ್ಪನ್ನು ಅಪ್ಪಿಕೊಳ್ಳುವುದು – ಇದೇ ನಿಜವಾದ ಕ್ಷಮೆ.

ಕುವೆಂಪು ಹೇಳಿದಂತೆ: “ಕ್ಷಮೆ ಶ್ರೇಷ್ಠವಂತರ ಆಭರಣ.”
ಈ ವಾಕ್ಯವೇ ಕ್ಷಮೆಯ ಮಹತ್ವವನ್ನು ಸಾರುತ್ತದೆ.

ತಮ್ಮ  ತಪ್ಪು ಒಪ್ಪಿಕೊಂಡು ಕ್ಷಮೆ ಕೇಳುವುದು ಮತ್ತು ಅದನ್ನು ಸ್ವೀಕರಿಸುವುದು ಪರಸ್ಪರರಲ್ಲಿನ ನಂಬಿಕೆಯನ್ನು ಬಲಪಡಿಸುತ್ತದೆ.  ಮನಸ್ಸಿನ ನೋವುಗಳನ್ನು ದೀರ್ಘಕಾಲ ಹಿಡಿದಿಟ್ಟುಕೊಳ್ಳುವುದರಿಂದ ಸಂಬಂಧಗಳಲ್ಲಿ ಬಿರುಕು ಮೂಡುತ್ತದೆ. ಆದ್ದರಿಂದ  ಕ್ಷಮೆಯನ್ನು ನೀಡುವುದರಿಂದ  ಮಾನಸಿಕ ಶಾಂತಿ ಸಿಗುತ್ತದೆ. ಕ್ಷಮೆಯು  ಪ್ರತೀಕಾರದ ಮನೋಭಾವವನ್ನು ಕಡಿತಮಾಡಿ, ಆರೋಗ್ಯಕರ ಸಂವಹನಕ್ಕೆ ದಾರಿ ಮಾಡಿಕೊಡುತ್ತದೆ.

Promotes Growth ಅಂದರೆ  ಕ್ಷಮೆ ನೀಡುವವರು ಮತ್ತು ಸ್ವೀಕರಿಸುವವರು ಇಬ್ಬರೂ ಜೀವನ ಪಾಠಗಳನ್ನು ಕಲಿಯುತ್ತಾರೆ.

 ಅಧ್ಯಯನಗಳು ತೋರಿಸುವಂತೆ, ಕ್ಷಮೆಯ ಅಭ್ಯಾಸ ಮಾಡಿದವರು ಕಡಿಮೆ ಒತ್ತಡ ಹಾಗೂ ಕೋಪವನ್ನು ಅನುಭವಿಸುತ್ತಾರೆ.  ಕ್ಷಮೆಯಿಂದ  ಅಸಮಾಧಾನದ ಗೋಡೆಗಳ ಒಡೆದು ತೆರೆದ ಮಾತುಕತೆ ಸಾಧ್ಯವಾಗುತ್ತದೆ.

 ಕ್ಷಮೆ ಮಾಡುವವರು ಇತರರ ನಿಲುವನ್ನು ಅರ್ಥಮಾಡಿಕೊಳ್ಳುವ ಸಾಮರ್ಥ್ಯವನ್ನು ಬೆಳೆಸಿಕೊಳ್ಳುತ್ತಾರೆ.

 ಕುಟುಂಬದಲ್ಲಿ ಸಣ್ಣ-ಸಣ್ಣ ಗಲಾಟೆಗಳು ಸಾಮಾನ್ಯ. ಅಲ್ಲಿ  ಕ್ಷಮೆ ನೀಡಿದಾಗ ಕುಟುಂಬದಲ್ಲಿನ  ಬಾಂಧವ್ಯ ಗಟ್ಟಿಯಾಗುತ್ತದೆ.

ನಿಜವಾದ ಸ್ನೇಹದಲ್ಲಿ ತಪ್ಪುಗಳು ನಡೆದರೂ, ಕ್ಷಮೆ ಆ ಸ್ನೇಹವನ್ನು ಇನ್ನಷ್ಟು ದೀರ್ಘಕಾಲ ಬಾಳುವಂತೆ  ಮಾಡುತ್ತದೆ.

ಪ್ರೀತಿ-ಸಂಬಂಧದಲ್ಲಿ ಕ್ಷಮೆ ಪರಸ್ಪರ ಬದ್ಧತೆಯನ್ನು ಹೆಚ್ಚಿಸುತ್ತದೆ.

ಕೆಲಸದ ಸ್ಥಳದಲ್ಲಿಯೂ ಸಹೋದ್ಯೋಗಿಗಳೊಂದಿಗೆ ಕ್ಷಮೆಗೆ ಹೊಂದಿಕೊಳ್ಳುವ ಶಕ್ತಿಯು ತಂಡದ ಸಾಮರಸ್ಯವನ್ನು ಬೆಳೆಸುತ್ತದೆ.

Practical Ways to Practice Forgiveness

Listen First: ಎದುರಾಳಿ ಹೇಳುವುದನ್ನು ಸಂಪೂರ್ಣವಾಗಿ ಆಲಿಸಿರಿ.

Empathize: ಅವರ ಸ್ಥಿತಿಯನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸಿ.

Express, Don’t Suppress: ನೋವನ್ನು ಹೃದಯದಲ್ಲೇ ಇಟ್ಟುಕೊಳ್ಳುವುದಕ್ಕಿಂತ, ಶಾಂತವಾಗಿ ಹಂಚಿಕೊಳ್ಳಿ.

Let Go: ಹಳೆಯ ತಪ್ಪುಗಳನ್ನು ಮತ್ತೆ ಮತ್ತೆ ನೆನಪಿಸುವುದನ್ನು ನಿಲ್ಲಿಸಿ.

Commit to Rebuild: ಕ್ಷಮೆ ನಂತರ ವಿಶ್ವಾಸವನ್ನು ಮರು ನಿರ್ಮಿಸಲು ಸಣ್ಣ  ಸಣ್ಣ ಹೆಜ್ಜೆಗಳನ್ನು ಹಾಕಿರಿ.

“Forgiveness does not change the past, but it surely enlarges the future.”

ಕ್ಷಮೆ ಅಂದರೆ ಮರೆತೇ ಬಿಡುವುದು ಅಲ್ಲ;  ಭಾವನಾತ್ಮಕವಾಗಿ ಮುಕ್ತಗೊಳ್ಳುವುದು ಮತ್ತು ಹೊಸ ಆರಂಭಕ್ಕೆ ಅವಕಾಶ ನೀಡುವುದು.

 

ಕ್ಷಮೆ ಜೀವನವನ್ನು ಹೇಗೆ ಬಲಪಡಿಸುತ್ತದೆ?

೧. ಭಾವನಾತ್ಮಕ ಶಾಂತಿ

ಕ್ಷಮೆ ಮಾಡಿದಾಗ ಮನಸ್ಸು ಹಗುರವಾಗುತ್ತದೆ, ಕೋಪ, ಅಸಹನೆ ಮತ್ತು ದ್ವೇಷಗಳನ್ನು ಹಿಡಿದುಕೊಂಡು ಬದುಕುವುದರಿಂದ ಮನಸ್ಸು ಸದಾ ಅಶಾಂತವಾಗಿರುತ್ತದೆ. ಕ್ಷಮೆಯ ಮೂಲಕ ಮನಸ್ಸು ಶಾಂತಿಯಾಗುತ್ತದೆ. ಹೃದಯದಲ್ಲಿ ಶಾಂತಿ ನೆಲೆಸಿದಾಗ ಬದುಕಿನ ಪ್ರತಿಯೊಂದು ಕ್ಷಣವನ್ನು ಸಂತೋಷದಿಂದ ಅನುಭವಿಸಬಹುದು.

೨. ಮಾನಸಿಕ ಆರೋಗ್ಯ

ಅನೇಕ ಅಧ್ಯಯನಗಳು ತೋರಿಸುತ್ತವೆ – ಕ್ಷಮೆ ಅಭ್ಯಾಸ ಮಾಡುವವರು ಬೇಸರ, ಕಳವಳ ಹಾಗೂ ಒತ್ತಡದಿಂದ ದೂರವಾಗುತ್ತಾರೆ. ಮನಸ್ಸು ತೂಕವಿಲ್ಲದಂತೆ ಲಘುವಾಗಿ, ಆತ್ಮವಿಶ್ವಾಸ ಹೆಚ್ಚುತ್ತದೆ. ಕ್ಷಮೆ ನಮ್ಮ ವ್ಯಕ್ತಿತ್ವವನ್ನು ಜೀವನದ ಪ್ರತಿಯೊಂದು ಸವಾಲನ್ನು ಧೈರ್ಯದಿಂದ ಎದುರಿಸಲು ಮತ್ತಷ್ಟು ಬಲಿಷ್ಠಗೊಳಿಸುತ್ತದೆ.

೩. ದೈಹಿಕ ಆರೋಗ್ಯ

ಕೋಪ, ದ್ವೇಷ, ಮತ್ತು ಅಸಹನೆ ದೇಹದ ಮೇಲೆ   ಕೆಟ್ಟ ಪರಿಣಾಮ ಬೀರುತ್ತವೆ ಮತ್ತು ದೇಹಕ್ಕೆ ವಿಷದಂತೆ ಕೆಲಸ ಮಾಡುತ್ತವೆ.   ರಕ್ತದ ಒತ್ತಡ, ಹೃದಯ ಸಮಸ್ಯೆಗಳು, ನಿದ್ರಾಹೀನತೆ ಇತ್ಯಾದಿ ಇವೆಲ್ಲವೂ ಕ್ಷಮೆಯ ಕೊರತೆಯಿಂದ ತೀವ್ರವಾಗುತ್ತವೆ.  ಕ್ಷಮೆ ಮಾಡಿದಾಗ ದೇಹದ ಒತ್ತಡ ಹಾರ್ಮೋನುಗಳು ಕಡಿಮೆಯಾಗುತ್ತವೆ. ಆರೋಗ್ಯ ಸುಧಾರಿಸುತ್ತದೆ ದೇಹ ಆರೋಗ್ಯವಾಗಿದ್ದು, ಉತ್ಸಾಹದಿಂದ ಬದುಕಲು ನೆರವಾಗುತ್ತದೆ.

 

೪. ಸಂಬಂಧಗಳ ಬಲ

ಯಾವುದೇ ಸಂಬಂಧವು ತಪ್ಪುಗಳಿಲ್ಲದೇ ಸಾಗುವುದಿಲ್ಲ  ಯಾವುದೇ ಸಂದರ್ಭದಲ್ಲಿ  ತಪ್ಪುಗಳು ತಪ್ಪದೆ ಸಂಭವಿಸುತ್ತವೆ. ಈ ಸಂದರ್ಭದಲ್ಲಿ  ಕ್ಷಮೆಯ ಗುಣವು ಸಂಬಂಧಗಳನ್ನು ಉಳಿಸುವ ಸೇತುವೆಯಂತೆ ಕೆಲಸ ಮಾಡುತ್ತದೆ.  ಕ್ಷಮೆ ಮಾಡುವ ಗುಣವು ನಂಬಿಕೆಯನ್ನು ಗಟ್ಟಿಗೊಳಿಸುತ್ತದೆ, ಸಹಾನುಭೂತಿ ಮತ್ತು ಸಹನೆ ಹೆಚ್ಚಿಸುತ್ತದೆ. ಹೀಗಾಗಿ ಕುಟುಂಬ, ಸ್ನೇಹ, ದಾಂಪತ್ಯ ಎಲ್ಲ ಬಾಂಧವ್ಯಗಳು ದೀರ್ಘಕಾಲದಲ್ಲಿ  ಬಲಿಷ್ಠವಾಗುತ್ತವೆ.

 

೫. ಅಂತರಂಗದ ಮುಕ್ತಿ

ಕ್ಷಮೆ ಮಾಡದೇ ಹಳೆಯ ನೋವು, ಕೋಪವನ್ನು ಹೃದಯದಲ್ಲಿ ಹಿಡಿದುಕೊಂಡರೆ ನಾವು ಸದಾ ಅತೀತದ ಬಂಧನದಲ್ಲೇ ಸಿಲುಕಿಕೊಂಡಿರುತ್ತೇವೆ. ಕ್ಷಮೆ ಮಾಡುವುದರಿಂದ ಆ ಬಂಧನಗಳಿಂದ ಮುಕ್ತಿ ದೊರೆತು, ಭವಿಷ್ಯವನ್ನು ಉತ್ಸಾಹಭರಿತವಾಗಿ ಎದುರಿಸಲು ಸಾಧ್ಯವಾಗುತ್ತದೆ.

 

೬. ಆಧ್ಯಾತ್ಮಿಕ ಬೆಳವಣಿಗೆ

ಬೌದ್ಧ, ಕ್ರೈಸ್ತ, ಹಿಂದೂ ಧಾರ್ಮಿಕ–ಆಧ್ಯಾತ್ಮಿಕ ಪರಂಪರೆಗಳಲ್ಲಿಯೂ  ಕ್ಷಮೆ ಅತ್ಯಂತ ಪ್ರಮುಖ. ಅದು ಕರುಣೆ, ದಯೆ, ವಿನಯಶೀಲತೆ, ಸಮಾನತೆ  ಮುಂತಾದ ಮೌಲ್ಯಗಳನ್ನು ಬೆಳೆಸುತ್ತದೆ. ಕ್ಷಮೆಯು ನಮ್ಮ ಆತ್ಮವನ್ನು ಶುದ್ಧಗೊಳಿಸಿ, ಆತ್ಮಸಾಕ್ಷಾತ್ಕಾರದತ್ತ ಕೊಂಡೊಯ್ಯುತ್ತದೆ.

೭. ಬದುಕಿನ ಸಹನೆ ಮತ್ತು ಧೈರ್ಯ

ಜೀವನದಲ್ಲಿ ಸವಾಲುಗಳು ನಿರಂತರ. ಕ್ಷಮೆ ಮಾಡುವ ಗುಣವು ಸಹನೆ, ತಾಳ್ಮೆ ಮತ್ತು ಧೈರ್ಯವನ್ನು ಕಲಿಸುತ್ತದೆ. ಇದರಿಂದ ಜೀವನವನ್ನು ಸಕಾರಾತ್ಮಕವಾಗಿ ಎದುರಿಸುವ ಶಕ್ತಿ ಬರುತ್ತದೆ.

ಕ್ಷಮೆ ಮಾಡುವಲ್ಲಿ ಎದುರಾಗುವ ಅಡೆತಡೆಗಳು

• ಅಹಂಕಾರ ಮತ್ತು ಹಠ.
• ನೋವಿನ ಆಳದಿಂದಾಗಿ ಮರೆತುಬಿಡಲಾಗದ ಸ್ಥಿತಿ.
• “ನಾನು ಕ್ಷಮೆ ಮಾಡಿದರೆ ಅವನು ಬಲಿಷ್ಠನಾಗುತ್ತಾನೆ” ಎಂಬ ತಪ್ಪು ಭಾವನೆ.

ಆದರೆ, ಇವುಗಳನ್ನು ಗೆದ್ದಾಗ ಕ್ಷಮೆಯ ನಿಜವಾದ ಶಕ್ತಿ ನಮಗೆ ದೊರೆಯುತ್ತದೆ.

 

ಕ್ಷಮೆ ಅಭ್ಯಾಸ ಮಾಡುವ ಸರಳ ವಿಧಾನಗಳು

1. ಧ್ಯಾನ ಮತ್ತು ಆಳವಾದ ಉಸಿರಾಟ – ಮನಸ್ಸು ಶಾಂತವಾಗಿಸಲು.
2. ಎದುರಾಳಿಯ ದೃಷ್ಟಿಕೋನದಲ್ಲಿ ಯೋಚಿಸುವುದು – “ಅವರು ಏಕೆ ಹಾಗೆ ವರ್ತಿಸಿದರು?” ಎಂದು ಅರ್ಥಮಾಡಿಕೊಳ್ಳುವುದು.
3. ಕೃತಜ್ಞತೆ ಅಭ್ಯಾಸ – ದಿನಚರಿಯಲ್ಲಿ ಧನ್ಯವಾದದ ವಿಚಾರಗಳನ್ನು ಬರೆಯುವುದು.
4. ಸಮಾಲೋಚನೆ ಮತ್ತು ಮಾತುಕತೆ – ಮನದ ಭಾರವನ್ನು ಹಂಚಿಕೊಂಡು ತಗ್ಗಿಸುವುದು.

 

ಕ್ಷಮೆ ಎಂದರೆ ಕೇವಲ ಇತರರಿಗಾಗಿ ಮಾಡುವುದಲ್ಲ. ಅದು ನಮ್ಮದೇ ಒಳಗಿನ ಶಾಂತಿ, ಸಂತೋಷ ಮತ್ತು ಬೆಳವಣಿಗೆಗಾಗಿ ಮಾಡುವ ಒಂದು ಮಹಾನ್ ನಿರ್ಧಾರ.

✨ ಕ್ಷಮೆ ಭೂತಕಾಲವನ್ನು ಬದಲಿಸದು, ಆದರೆ ವರ್ತಮಾನವನ್ನು ಸುಧಾರಿಸಿ ಭವಿಷ್ಯವನ್ನು ಬಲಪಡಿಸುತ್ತದೆ.

ಸಂಬಂಧಗಳು ಬಲವಾಗಿರಬೇಕಾದರೆ ಕೇವಲ ಪ್ರೀತಿ ಸಾಕಾಗುವುದಿಲ್ಲ. ಪ್ರೀತಿ + ನಂಬಿಕೆ + ಕ್ಷಮೆ – ಈ ಮೂರು ಒಂದಾಗಿ ಬಂದಾಗ ಮಾತ್ರ ನಿಜವಾದ ಬಾಂಧವ್ಯ ರೂಪಗೊಳ್ಳುತ್ತದೆ. ಕ್ಷಮೆ ವ್ಯಕ್ತಿಯನ್ನು ಒಳಗಿನಿಂದ ಬಲಪಡಿಸುವುದಲ್ಲದೆ, ಸಂಬಂಧಗಳಿಗೆ ಹೊಸ ಜೀವ ತುಂಬುತ್ತದೆ.

ಕ್ಷಮೆ ಸಂಬಂಧಗಳನ್ನು ಬಲಪಡಿಸುವ ಅತ್ಯುತ್ತಮ ಸಾಧನ. ಇದು ನಂಬಿಕೆ, ಪ್ರೀತಿ ಮತ್ತು ಸಮರಸತೆಯನ್ನು ಬೆಳೆಸುತ್ತದೆ. ಕುಟುಂಬ, ಸ್ನೇಹ, ಪ್ರೀತಿ ಮತ್ತು ವೃತ್ತಿಜೀವನದಲ್ಲಿ ಕ್ಷಮೆಯ ಮಹತ್ವವನ್ನು ತಿಳಿಯಿರಿ.

 

ಒಂದು ಕ್ಷಮೆಯು ನನ್ನ ಜೀವನದಲ್ಲಿ ತಂದ ಪರಿಣಾಮ.

ಇದು ತುಂಬಾ ಚಿಕ್ಕ ವಯಸ್ಸಿನ ವಿಷಯ, ನಾನಾಗ ಏಳನೇ ತರಗತಿ ವಿದ್ಯಾರ್ಥಿ, ಶಾಲಾ ದಿನಗಳಲ್ಲಿ ಓದಿನಲ್ಲಿ  ಯಾವಾಗಲೂ ಮುಂದಿರುತ್ತಿದ್ದೆ.  ಐದನೇ ತರಗತಿಯಿಂದ  ನನ್ನ ಹಳ್ಳಿಯಿಂದ  ಪಕ್ಕದ ಹಳ್ಳಿಯ ಶಾಲೆಗೆ  ಹೋಗುತ್ತಿದ್ದಾಗ, ಅಲ್ಲಿಂದ ನನಗೆ ಓದಿನಲ್ಲಿ ಪ್ರತಿಸ್ಫರ್ಧಿಗಳು  ಎದುರಾದರು ಅದರಲ್ಲಿ ಒಬ್ಬಳು ಲಾವಣ್ಯ. ಪ್ರತಿಸ್ಪರ್ಧಿ ಯಾಗಿದ್ದ ಕಾರಣ ನನಗೂ ಅವಳಿಗೂ ಮಾತುಕಥೆ ಅಷ್ಟಕಷ್ಟೆ. ಹೀಗಿದ್ದಾಗ ನಾನು ಮತ್ತು ಅವಳು ಏಳನೇ ತರಗತಿಯಲ್ಲಿ ಓದುತ್ತಿದ್ದಾಗ  ರಾಜ್ಯ ಸರ್ಕಾರದಿಂದ ಆಯೋಜಿಸಿದ  “ಕರ್ನಾಟಕ ದರ್ಶನ” ಶಾಲಾ ಪ್ರವಾಸ ಹೋಗುವ  ಅವಕಾಶ ನಮ್ಮ ಶಾಲೆಯಿಂದ ನಮ್ಮಿಬ್ಬರಿಗೂ ಒದಗಿ ಬಂದಿತ್ತು. ನಾವಿಬ್ಬರೂ ಒಬ್ಬರಿಗೊಬ್ಬರು  ಮಾತುಕತೆ ಅಷ್ಟೇ ಇದ್ದರೂ ಹೇಗೋ ಹೊಂದಿಕೊಂಡು  ಮಾತನಾಡಿಕೊಂಡು ಪ್ರವಾಸಕ್ಕೆ ಹೋದೆವು.

ಈ ಪ್ರವಾಸವನ್ನು ಮುಗಿಸಿ ಬರುವಾಗ ನನಗೂ ಅವಳಿಗೂ ಒಂದು ಸಣ್ಣ ಜಗಳ ಆಯಿತು, ಅಷ್ಟೇ,  ಮೊದಲೇ ನಮ್ಮಿಬ್ಬರ ನಡುವೆ ಮಾತು ಕಡಿಮೆ ಇದ್ದ ನಮಗೆ, ಈ ಘಟನೆಯಿಂದ ನಾವಿಬ್ಬರೂ ದೂರ ದೂರ ಆದೆವು. ಸುಮಾರು ಮೂರ್ನಾಲ್ಕು ವರ್ಷಗಳು ನಾವಿಬ್ಬರೂ ಒಂದೇ ಶಾಲೆಯಲ್ಲಿ ಇದ್ದರೂ ಮಾತನಾಡಿರಲಿಲ್ಲ. ನಂತರ ನಮ್ಮಿಬ್ಬರನ್ನೂ ಪ್ರೀತಿಸುವ ಶಿಕ್ಷಕರೊಬ್ಬರೂ ಪ್ರಯತ್ನಿಸಿ  ನಾವಿಬ್ಬರೂ ಒಂದಾಗುವಂತೆ ಮತ್ತೆ ಮಾತನಾಡುವಂತೆ ಮಾಡಿದರು.  ಅಲ್ಲಿಂದ ನಾವಿಬ್ಬರೂ ಪರಸ್ಪರ ಗೆಳತಿಯರಾದೆವು.  ಇದಾದ ನಂತರ ಅವಳು ತುಂಬಾ ಸಾಧು ಸ್ವಭಾವದವಳು ಎಂದು ನನಗೆ ತಿಳಿಯಿತು ಮತ್ತು  ಅವಳ ಈ ಸ್ವಭಾವ ನನಗೆ ತುಂಬಾ ಇಷ್ಟವಾಯಿತು. ಅವಳ ಸ್ನೇಹವನ್ನು ನಾನು ಇಷ್ಟುದಿನ ದೂರಮಾಡಿಕೊಂಡೆನೆಲ್ಲ ಎನಿಸಿತು. ನಾವಿಬ್ಬರೂ ಪರಸ್ಪರ ಮಾಡಿದ ಕ್ಷಮೆಯ ಪರಿಣಾಮವಾಗಿ  ಶಾಲೆ ಬಿಟ್ಟ ನಂತರವೂ  ಇಂದಿಗೂ ನಾವು ನಮ್ಮ ಸ್ನೇಹವನ್ನು ಉಳಿಸಿಕೊಂಡಿದ್ದೇವೆ. ಮತ್ತು ಪರಸ್ಪರ ಗೌರವ ನೀಡುತ್ತೇವೆ. 

ಕ್ಷಮೆಯಿಂದ ನನಗೆ ಅವಳ ಈ ಸುಂದರ ಸ್ನೇಹ ದೊರೆಯಿತು. ಬಹುಶಃ ನಮ್ಮಿಬ್ಬರ ಮಧ್ಯೆ ಈ ಕ್ಷಮೆಯು , ಮನಸ್ಸಿನ ಮೂಲೆಯಲ್ಲಿ ಎಲ್ಲೋ ಒಂದು ಕಡೆ  ನಾವಿಬ್ಬರೂ  ಗಿಲ್ಟ್‌ ಫೀಲ್‌ ಮಾಡುವುದನ್ನು ತಪ್ಪಿಸಿತು.

 

ಧನ್ಯವಾದಗಳು……….🌷🌷🌷🌷